श्री तिलोक जैन विद्यालय ही माझी शाळा, सन 1961 ते 1965 या चार वर्षात आठवी ते अकरावी पर्यंत चे शिक्षण घेत असतांना दररोज प्रभू पिंपरी ते पाथर्डी असा 22 कि.मी. अनवाणी पायी प्रवास आजही आठवतो. पीटीचा बूट जास्त टिकावा म्हणून तो पिशवीत ठेऊन अनवाणी जाणे हे नित्याचेच. चिखलातून चालतांना पायात काटे रुतणे , कालांतराने पायात कुरूप होणे , पावसाळ्यात चिखलात सायकल फसली तर तेथेच सोडून घरी जाणे आणि दुसऱ्या दिवशी सायकल ठीक ठाक करून शाळा गाठणे या सारख्या आठवणीमुळे मला आजही माझी शाळा आठवते . रस्त्यावर चालतांना चिंतनाद्वारे केलेला अभ्यास वेळेचा सदुपयोग शिकवून गेला. त्याकाळी फार पाऊस झाल्याने गावाकडे जाता येत नसे अशा वेळी उर्दू शाळेच्या वरहंड्यात मी राहत असे,अशा वेळी धरमचंद खाबिया माझ्या साठी तांब्यात बोर्डिंग मधून जेवण आणत असत. दरवर्षी 8 ते 11 वी पर्यंत मी शाळेत पहिल्या नंबर ने पास होत असे ,आणि त्यामुळे मला दरवर्षी 4 ते 5 रुपये बक्षीस मिळे.11 वी त पहिल्या क्रमांक मिळाला आणि राज्याच्या मेरिट लिस्ट मध्ये आल्यामुळे मला नॅशनल स्कॉलरशिप मिळाली , सुभाष खाबिया यांनी लिहिलेला लेख ज्ञान दीप या मासिकात छापून आला, दरवर्षी पहिल्या नंबर ने पास झालो की वडील मला गोंजारत आणि आशीर्वाद देतअसत , माझ्या साठी तो स्पर्श प्रेरणादायी ठरला. संस्कृत हा माझा आवडीचा विषय होता तरीही गुरुजनांच्या सांगण्यावरून मी अंकगणित विषय घेऊन 97 मार्क्स मिळवले , माझ्या आयुष्यात धरमचंद आणि मलंग यांचे पाठबळ अविस्मरणीय आहे. पुढे मी बी. ई.(सिव्हिल) आणि एम. ई (स्ट्रक्चर) केले.1973 साली M.P.S.C परीक्षा पास झालो आणि सा. बां. विभागात क्लास वन अधिकारी म्हणून रुजू झालो आणि मुख्य अभियंता पर्यंत पोहचलो. प्रशासनात राहून तळागाळातील माणसं कामाच्या माध्यमातून जोडली. अनवाणी पायी केलेला प्रवास आठवत राज्यातील अनेक तीर्थक्षेत्रे पक्क्या Read more..

आचार्य सम्राट श्री आंनदऋषीजी यांच्या प्रेरणेने स्थापन झालेल्या श्री तिलोक जैन विद्यालयात मी 1952 ते 1956 साली होतो.ब्रिटिश काळात माध्यमिक शिक्षण देणारी ही तालुक्यातील एकमेव शाळा. सातवी नंतरचे शिक्षण घेण्यासाठी मी पाथर्डीला आलो आणि वि. र. बडे वकील यांच्यामुळे हिंद वसतिगृहात राहण्याची सोय झाली. त्यावेळी प.पू. मेहेंदळे मुख्याध्यापक होते. "जसा मुख्याध्यापक तशी शाळा " या उक्तीप्रमाणे अतिशय शिस्तबद्ध पध्दतीचे शिक्षण या विद्यालयातून मला मिळाले. त्याकाळी थोर स्वा. सेनानी रावसाहेब पटवर्धन ,बाळासाहेब भारदे , कवी यशवंत या सारख्या मान्यवरांच्या भाषणातून आम्हाला प्रेरणा मिळत असे. मेहेंदळे सर रेडिओ वर प्रसारित होणारे कार्यक्रम ऐकवत असत. परिसर सहल आणि श्रमदान हे आमच्या साठी पर्वणीच असायची. परीक्षाचे पेपर ऐनवेळी जाहीर केले जात असल्याने वस्तुनिष्ठ मूल्यमापन होत असे. या माझ्या शाळेने अनेक डॉक्टर , वकील ,राजकारणी ,इंजिनिअर ,शिक्षण तज्ञ आणि अनेक प्रशासनातील अधिकारी दिले. श्री तिलोक जैन विदयालयामुळेच मी विद्यापीठाच्या कुलगुरू पदी विराजमान होऊ शकलो, माझ्या जडणघडणीचा पाया या शाळेत रचला गेला याचा मला अभिमान वाटतो. विद्यालयाच्या विकासाला खूप खूप शुभेच्छा..... Read more..

*श्री तिलोक जैन विद्यालय ( 1978 ते 1984) ते मंतरलेले दिवस* 1923 साली स्थापन झालेल्या या माध्यमिक आणि उच्च माध्यमिक शाळेत शिकणारी आमची दुसरी पिढी. माझे वडील याच शाळेत SSC झाले. माझी मोठी बहीण बारावी पर्यंत आणि तिच्या पाठोपाठ मी व माझ्या दोन लहान बहिणी याच शाळेत शिकलो. 1978 ते 1984 या कालावधीत श्री तिलोक जैन शाळेत पाचवी ते दहावी इयत्तेत होतो. पाचवी शाळेला सुरुवात खालच्या शाळेत झाली. त्यावेळी प. पु. मेहेंदळे सर आणि निर्मला मेहेंदळे बाई मुख्याध्यापक होते. हिंदी विषय चंद्रात्रे सर, चित्रकला बडे सर, महामुनी बाई, मिसाळ बाई, दुकळे बाई, केदार बाई व सर, अकोलकर बाई, हंडाळ सर, कौसे सर, शिंदे सर, नागरे सर, शशी देशमुख सर, भंडारी सर ही शिक्षक मंडळी शिकवायला होती. बडे सरांनी चित्रकलेची छानच गोडी लावली त्यामुळे सहावीत असताना महाराष्ट्र राज्य बाल चित्रकला स्पर्धेत पारितोषिक मिळाले आणि अहमदनगर च्या भाऊसाहेब फिरोदिया शाळेत बक्षीस वितरण झाले. एक ऑगस्ट लोकमान्य टिळक पुण्यतिथी, 3 ऑगस्ट स्वर्गीय मोतीलालजी गुगळे पुण्यतिथी निमित्ताने पारितोषिक वितरण तसेच धामणगाव, मोहरी, तनपूरवाडी, वाळुंज देवी, दौलताबाद, वेरूळ, अजंठा इत्यादी ठिकाणी गेलेल्या सहली चांगल्या स्मरणात आहेत. आठवी ते दहावी टेक्निकल घेतल्यानं नवीन शाळेत आलो. नागरगोजे सर आणि नंतर भोसे सर मुख्याध्यापक होते. मराठी ला कोठारी सर व गायकवाड बाई, इतिहास शिवरामभाऊ खेडकर सर, संस्कृत भोसे सर व वनारसे सर, गणित मोठे उरणकर सर, भूमितीचे V K देशमुख सर, जीवशास्त्र रमेश बाहेती सर, रसायनशास्त्र सुराणा सर, भौतिक शास्त्र विरगावकर सर, इंग्रजी मेघुंडे सर, हिंदी भोसे बाई आणि इतर शिक्षक वर्ग दीपक कुलट सर , कोळेकर सर, छोटे उरणकर सर, मोठे उरणकर सर , टेक्निकल ला थोरात सर, सुतार सर, वाकलकर सर, जवणे सर, दत्ता कुलकर्णी सर, साठे सर, ग्रंथपाल T M खेडकर सर, PT चे भडके सर या Read more..

श्री तिलोक जैन विद्यालयात पाचवी ते दहावी पर्यंत शिक्षण घेतले. सन 1985-86 साली मी या विद्यालयातून दहावी उत्तीर्ण झालो. मी सन 1993 मध्ये मुंबई पशुवैद्यकीय महाविद्यालय,परळ येथून बी. व्ही. एस. सी. अँड ए. एस. ही पदवी उत्तीर्ण झालो. सन 1993 मध्ये महाराष्ट्र लोकसेवा आयोगामार्फत घेण्यात आलेल्या live stock development officer वर्ग 2 या पदावर निवड होऊन नाशिक जिल्ह्यात Veterinary Doctor म्हणून दोन वर्षे सेवा केली , त्यानंतर महाराष्ट्र लोकसेवा आयोगामार्फत सरळसेवा पोलिस उपअधीक्षक या पदावर निवड झाल्याने सन1996 पासून महाराष्ट्र पोलीस दलात नांदेड , ठाणे , लातूर अशा ठिकाणी कार्य केले आहे .सध्या ठाणे (ग्रामीण) येथे पोलीस अधीक्षक या पदावर कार्यरत आहे. माझ्या यशाच्या जडणघडणीचा पाया हा श्री तिलोक जैन विद्यालयात मध्ये रचला गेला. विद्यालयाच्या शिस्तबद्ध पद्धतीने घेतलेल्या स्पर्धा, एन. सी.सी. याचा माझ्या यशात मोठा वाटा आहे असे मी मानतो. माझ्या यशात सर्व शिक्षकांचे योगदान खूपच महत्त्वाचे आहे विशेषत: श्री देशमुख सर , श्री खाबिया सर आणि कोळेकर सर यांचा मी विशेष आभारी आहे. Read more..