प्राचार्य मनोगत

Shri AJAY BHANDARI (B.Sc., B.P.Ed., D.S.M.)

      श्री तिलोक जैन विद्यालय ही शतकपूर्ती केलेली महाराष्ट्रातील एक नामांकित शाळा म्हणून गणली जाते. सर्वसामान्यांना शिक्षणाच्या प्रवाहात आणण्याच्या दृष्टीने सुरू झालेली ही शाळा आजही निरंतर आपल्या उद्दिष्टावर कार्यरत आहे . एक सुजाण नागरिक म्हणून उच्च ध्येयपूर्तीसाठी विद्यार्थी या संकुलात प्रवेश घेतात . या शाळेत विविध विभागाच्या माध्यमातून गुणवत्तापूर्ण शिक्षण देण्याचा सातत्याने प्रयत्न होत असतो . या विद्यालयांमध्ये एन .सी .सी . , स्काऊट , गर्ल गाईड , व्यावसायिक शिक्षण , भारत सरकार पुरस्कृत बी .आय . एस .क्लब ची निर्मिती , ग्रीन क्लब , विविध पर्यावरण पूरक उपक्रम इ. प्रकारचेअसंख्य उपक्रम राबवले जातात.उपक्रमशील शाळा म्हणून या शाळेचा लौकिक आहे . विद्यालयातील शिक्षकांमध्ये असणारी अथक कष्ट करण्याची तयारी , वेळेचे अचूक नियोजन , प्रत्येकाशी असणारे सलोख्याचे संबंध , विद्यार्थी हेच दैवत मानून काम करण्याची प्रवृत्ती, दिवसेंदिवस वाढत चाललेली गुणवत्ता , शाळेचा होत असलेला सर्वांगीण भौतिक विकास या सर्व विद्यालयाच्या दृष्टीने अतिशय जमेच्या बाजू आहेत.

      आज वाढती स्पर्धा लक्षात घेता नवोदय , शिष्यवृत्ती , विविध स्पर्धा परीक्षा , विज्ञान प्रदर्शन , अवांतर सहशालेय उपक्रम , सांस्कृतिक कार्यक्रम , संगीत वर्ग या सह नीट,जेईई , सीईटी इ सारख्या स्पर्धा परीक्षांचे देखील मार्गदर्शन केले जाते. य वरून लक्षात येईल की सर्वच क्षेत्रात विद्यालयाचा आलेख उत्तरोत्तर चढता राहिलेला आहे . विद्यार्थी केंद्रित उपक्रम व त्यातून होणारी विद्यार्थ्यांची प्रगती हे विद्यालयाचे मुख्य ध्येय आहे . आज विविध क्षेत्रांमध्ये कार्यरत असणारे या विद्यालयाचे माजी विद्यार्थी हे या सर्व बाबींचे प्रमाण आहे. राष्ट्रसंत , आचार्य सम्राट , 1008 प .पू . श्री आनंदऋषीजी म .सा . यांच्या आशीर्वादाने व संस्थेचे सन्माननीय सचिव मा.श्री सतीशजी गुगळे व सन्माननीय पदाधिकारी यांच्या मार्गदर्शनामुळे शिक्षक - शिक्षकेतर कर्मचारी वृंद , विद्यार्थी ,पालक व संस्थाचालक यांच्यातील समन्वयामुळे हा वटवृक्ष दिवसेंदिवस मोठा होत आहे .या तिळमात्र शंका नाही . शेवटी एवढेच लिहावेसे वाटते.